台語劇: 白七仔傳

(版權所有, 歡迎採用, 但請告知並註明出處)

BH 編劇

劇中人:

白七仔﹕顧守耶穌的墓之兵團團長.，（一團估計大慨至少有16 個人）
彼得: 有過三次不認耶穌的門徒.
肥耳仔（馬勒古）: 大祭司的僕人, 他的耳仔被彼得削下來,
佳哉耶穌真仁慈，有給他裝倒轉去.
大鼻仔: 肥耳仔的親戚, 當時在場.
使女:大祭司的女僕人
四鬼 及 白七的某 及阿三…等僕人們 .

（AI Dall.E 的傑作， 大鼻仔，肥耳仔）

肥耳仔玩偶

第一幕﹕彼得佈道會會場

（上帝丟掉子！上帝丟掉子！！

台灣早期的傳道方式敲鑼打鼓，像打拳賣膏藥的方式！在路邊招來客)
(*彼得佈道會，聽道的人很多，所以由會眾權充，

大家唱短歌“來信耶穌，來信耶穌， 來信耶穌現在，現在來信耶穌，來信耶穌現在”*

伊會救 你， 伊會救 你，現在！。。。）

，
肥耳仔（馬勒古）﹕（* 自言自語*）夷，台頂這人真面熟，不知呧那里(to-uī) 曾見過？

對了，伊兼拇是（m̄-sī）削我耳仔的那個人，人人攏講我肥耳仔這對大耳真是福相，拇久(m̄-kū)，樹大召風，耳大也召災。話講倒轉，嘛佳哉，我的耳仔有夠大，才沒削著我的面。閣卡佳哉的是耶穌真仁慈，有給我裝倒轉去，祂真正是愛對敵。那無，我右手邊就減一個耳仔啦。今我欲聽看他底講什物？有機會我也要找他算帳。我這對肥耳也足有路用，是順風耳！與千里眼同款好用，遠遠就聽到消息，必要時就溜韁(liu-kiang)。走的龍long。

大鼻仔﹕安尼，你泰予(hō•)耶穌的學生削著你的耳仔？你泰無卡緊跑？

肥耳仔﹕（* 低下聲來，發現自己太吹牛了，找個台階下*）無法度啦，什人叫我做大祭司的奴僕呢？除非我辭頭路，若無，那次的災禍我是跑不去。

彼得﹕各位兄姐，我是彼得，是耶穌上無效的學生。耶穌實在有復活，閣顯現給阮看，若無，我打算再轉去抓魚啦。跟祂三冬，到路尾，祂竟然給人抓去釘十字架，俗語講“死就息了”我足失志，轉去阮厝裏，予阮某笑我無路用，只會跟在拿撒勒人耶穌背後走，一點路用的無。。。

肥耳仔﹕（*帶諷刺地插嘴*）什物人講的，你足勇敢，有人看到你拿刀削大祭司奴僕的耳仔呢？

彼得﹕有影，頭起，我親像足勇敢，好膽削人的耳仔；拇久(m̄-kū)，講起來真見笑，到後尾，我竟然三次不認耶穌，我一向以為我真勇敢，閣誇口講“設使若著與耶穌死，我嘛甘願”。想不到，到時竟然一點兒勇氣都無。各位，我今天這尼勇敢站在這，就是因為耶穌真正有復活了。祂就是咱所底等待的彌賽亞，恁若信祂，就會得著新的活命。嘛會看著上帝的榮光。。

白七仔﹕（* 把彼得抓下台來，自己上台去* ）恁大家拇倘(m̄-thāng) 聽他亂講，我是顧守耶穌的墓ê 兵團團長，我上清楚，耶穌的屍體就是祂一群學生偷搬的。我親目看著的。

肥耳仔﹕（*不服，也上台去*）安尼，你泰不給尹攏總抓起來？

白七仔﹕阮。。阮足愛睏。。。

肥耳仔﹕你不驚嶄頭(chām-taû)？

白七仔﹕我。。我。。

（* 台下，眾人議論紛紛* ）

大鼻仔﹕哼，拇是我呧吹牛（雞嚷 ke-kui）凸風(pòng-hong)，我這支大鼻是虎鼻獅，嘛是遠遠就會聞phīⁿ到麻煩的代誌。比肥耳仔的順風耳閣卡厲害，是正港的萬里鼻，會通聞phīⁿ到萬里香，萬里臭。我現在有聞著一些怪味；我還iaū記得剛才被抓下台的彼得，耶穌受抓那晚他有與阮做伙烤火，彼時陣，他的面青森森，不敢看阮。我對他說”我親像有看著你與耶穌在客西馬尼園ê款“因為我親像有看著他削我的親戚肥耳的耳朵”他聽我講安尼，真著驚，若親像弄破膽ê 款，卡緊講“無這款代誌，我根本的不識(m̄-bat)耶穌。”伊彼晚驚破膽，變甲親像貓鼠彼無膽？奇怪，現在泰會這尼勇敢呢？

彼得﹕（插嘴）你講了真對，我彼hit晚，有影是安尼。

使女﹕對，對，那晚大鼻仔問了(liaù)，我續下去問他”你親像與耶穌同黨，因為你與耶穌講話相款，有足重的加利利(khiuⁿ)？”他一點兒也無承認，並且卡緊咒詛講他拇識(m̄-bat̆) 耶穌。

因為他真驚嚇。耶穌實在有夠可憐，伊的學生中上勇敢的也變成那麼無膽。其他的學生閣卡拇免(m̄-bían kóng)講，都跑光了。(M̄-kū) 拇久，奇怪，現在他泰會這尼勇敢？兼會耶穌真正復活了！

彼得﹕真正，真正，耶穌真正有復活！

白七仔﹕亂講，死人泰會復活呢？我明明看到伊的學生來搬耶穌的屍體。

肥耳仔﹕安尼，你泰不給尹īn攏總抓起來？

白七仔﹕真不湊巧（tu-ho) 彼當時阮足愛睏，阮攏睏睏去。等阮醒起來的時，尹īn已經搬走了。

大鼻仔﹕夷，恁lín攏底睏，泰知影是什麼人偷去的？

白七仔﹕哦，我有聽著聲，我揉我的目睭，揉揉啦，就看到耶穌的學生底搬屍體，但是我足愛睏，無法度捉尹in 。

肥耳仔﹕你剛剛拇m̄是講，恁醒起來的時，尹in 已經搬走了，現在，泰閣講看著尹在搬呢？你兼不是自相矛盾？耶穌的學生兼有穿制服？尹兼有青面貓牙嘛？恁目睭蓋蓋(khé-khé) 泰也ē 知影尹是耶穌的學生？

使女﹕奇怪，恁泰會一團的軍兵攏睏睏去了？恁兼拇是m̄-sī 堂堂羅馬大帝國上勇的兵嘛？
恁是吃什物，集體中毒，昏昏睏睏去呢？恁拇驚(m̄-kiaⁿ)給總督聽到，抓去嶄頭(chām-thâu)？

白七仔﹕總督彼hīa，有祭司頭會替阮講話，阮拇免驚m̄-kiāⁿ。（* 龜腳跑出來(sô-s0̂ chhut-lâi) ，變面，惱羞成怒* ）無管安鑽an-chòaⁿ，反正就是耶穌的學生搬去的，你們若再無聽話，我就要捉人了。事實上，恁無申請登記就自己聚集，已經犯非法聚會，來啊，給尹攏捉起來！（*講了，吹起哨子來，一些埋伏在會眾裏的便衣警將他們通通抓走了*）

第二幕白府（十年後，白七仔重病快死了）

白七仔﹕（* 一面講，一面咳嗽,咳的好厲害*）

阿三啊，卡緊叫我的bó•來。我快要死了，（咳嗽）叫大家攏來，我這個病是無醫了。我有要緊的話欲對恁大家講。對了，那個彼得, 緊去叫他來，卡緊，卡緊（* 咳嗽*）那無卡緊講一些心中的話，恐驚無機會了。（* 一會兒 工夫，除了彼得，家人，僕人全到齊了* ）

白七仔﹕恁大家兼知，良心的控告就是活地獄！這十冬來，我一直向人宣傳耶穌的身軀是祂的學生thāu搬走的。事實上，我心內真清楚我是世界上蓋大的”白賊“，因為我親眼看到耶穌復活，也看到天使搬走封墓門的大石，將它搬上小山頂。不過，我收到祭司的大把大把的金銀財寶，就出賣我的良心，叫部下四處(sì-ka-kè) 傳這個白賊話，自己也四處(tak-sì-kè) 壓迫信耶穌的人。無不對(bô-m̄-tioh)，我變甲kà足富有(hó-giah)，錢箱多(siuⁿ- chē) ，我就花天酒地, 嫖，賭，飲(phiâu, to•, im̀) 攏總大大甲享受

白妻；你足夭壽，足無天良！。。。

白七仔﹕你不要插嘴，我快要死了，你還與我，槍話講？！。。起初感覺足鬆快，若像吃仙桃，總是無久就發現金錢無法度買平安，我的心越來越無平安，常常睏不去。吃

安眠藥嘛無效，我就灌酒，灌甲醉醉，猶原無平安，越來越睏不去。我也一直吃煙，想要壓制良心的控告。卻一點兒也無效。阮某箱(sīuⁿ)噪唸(chāu-liām)，我jiū 四處找相好，找紅粉的知己。

白妻；藉口，藉口，你這個老不休的風流老鬼！。。

白七仔﹕總講，安尼我漸漸變成酒鬼，色鬼，煙鬼，真見笑，攏無底顧家庭，現在著肺癌，真是報應。希望恁攏原諒我。不要學我ê 款，一定要做一個老實人。白賊七將死，吐出真話，拇愛(m̄-aì) 閣再講白賊啦。。。

鬼頭仔﹕（* 不等他說完*）卡緊拖他走，讓他閣講下去，還得了，咱煞攏無功勞去，無采以前咱在他身上下那麼多（hiah-chē）的功夫。

白七仔﹕（* 大聲驚叫*）夷，那是誰來了？不得了，我真是活活見到鬼了。

鬼一﹕白七仔，我來接你回去了。因為你是阮的忠實信徒。

白七仔﹕恁找拇對(m̄-tioh)人啦，我不認識恁，我也不是，不是恁的忠實信徒。

鬼二﹕拇久（m̄-kū），阮卻非常認識你。

鬼三﹕對，對，凡若愛講白賊的人攏是阮的徒弟仔，徒孫仔。恁兼無聽過，魔鬼就是所有講白賊的人的老爸，因為魔鬼從(tuì)上起頭jiū 講白賊。

白七仔﹕救命！救命！彼得來了沒？彼得啊，救命！

鬼四﹕太慢啦(siuⁿ- bān-lah ) ，何況彼得也是人而已，他無法度救你了。

白七仔﹕我的天啊，真正是有鬼，真正是有地獄，我看到地獄之火底(te)等我，泰攏沒人甲我警告呢？

鬼頭仔﹕拇免(m̄-bían) 囉唆(lo-sō)，緊走。(* 眾鬼拖他下去* ）

幕下, 全劇完（人若是賺得全世界，賠上自己的生命有什麼益處呢？。。人若忽略這麼大的救恩，怎能逃罪呢？）

（劇情乃根據馬太 28：11-15的造謠之詞不合邏輯而編寫）

衛兵受賄造謠

11 她們去的時候，有些衛兵進了城，把一切所發生的事向祭司長報告。 12 祭司長就和長老聚集在一起商量，然後拿許多錢給士兵， 13 說：“你們要這樣說：‘他的門徒晚上來了，趁我們睡著的時候，把他偷走了。’ 14 如果總督知道了這件事，我們會說服他，不會牽連你們。” 15 士兵收了錢，就照著祭司長和長老的指使去作。這種說法直到今日還流傳在猶太人當中。

(白七傳主題歌)

http://heartstring2.blogspot.com/2008/09/blog-post_18.html