IN講：「 遮毋是lín tau（家）
In kóng：" Chia m̄-sī lín tau,
你發m̄-tio̍h 所在!」
Lí hoat m̄-tio̍h só͘-chai！"
總是你卻無法度通選擇.
Chóng-sī lí khiok bô-hoat-tō͘ thang soán-te̍k,
或者一陣風kā你吹到人的草pō͘ 頂,
hek-chia̍h chi̍t-chūn hong kā lí chhoe-kàu lâng ê chháu-po͘-téng.
IN就chio̍k 受氣kā 你連(liâm)根(bán)拔起來.
In chiū chiok siū-khì, ka lí liām kun bán khí-lâi.
詛咒你奪去in週末寶貴的時間,
Chiū-chó͘ lí toa̍t-khì in chiu-boat pó-kùi ê sî-kan,
雖然你並沒做什麼m̄-tio̍h（錯事）.
sui-jiân lí pēng-bô chò sim-mih m̄-tio̍h.
你實在bōe-ōe了解,與你相款的菊花，秋菊...
Lí si̍t-chāi bōe-ōe liáu-kái, ka̍p lí kāng-khoán ê kiok-hoe,chhiu-kiok...
IN卻遮（chia nî-á）好款待及疼惜siò?!
In khiok chia-nî-á hó-khoán-thāi ka̍p thiàⁿ-siò？
了錢特別去買,排設在大廳.
liáu-chîⁿ tia̍t-pia̍t khì be̍h, pâi-siat tī tōa-thiaⁿ.
是毋是, 你是免錢的, 就受到遮nî-á看輕？
Sī-m̄-sī lí sī bián-chîⁿ-ê, chiū siū-tio̍h hiah-nî-á khòaⁿ-khin?
正親像人棄 khì-sak上帝白白的恩典！
Chiàⁿ chhin-chhiūⁿ lâng khì-sak Siōng-tè pe̍h-pe̍h ê un-tián！
IN憑什麼講你是野花,是雜草？
In pêng sim-mih kóng lí sī iá-hoe, sī cha̍p-chháu？
硬giēⁿ要將你生存的權利奪去，
giēⁿ beh chiong lí seng-chûn ê koân-lī toa̍t-khì,
你卻全然無掛意，IN講什麼？
Lí khiok choân-jiân bô kòa-ì, in kóng sim-mih？
只要你若nā猶有（iaū-ū）一口氣，
Chí-iàu lí nā iáu-ū chi̍t-kháu khì.
你就要拼命將你的花開hō͘ 上súi（美）。
lí chiū-beh piàⁿ-miā chiong lí ê hoe khui-hō͘ siōng súi.
因為你知影造你的主給你的使命。
in-ūi lí chai-iáⁿ chō lí ê chú hō͘ lí ê sú-bēng.
或者明天（Min-a-chài）ā-sī下一秒鐘，你就受人連根拔(bán)起lâi，
Hek-chia̍h min-a-chài ā-sī e̍h chi̍t-bió-cheng, lí chiū hō͘ lâng liām kun bán khí-lâi,
總是你卻無為著hit-ê等候你的殘忍命運來擔心,
chóng-sī lí khiok bô ūi-tio̍h hit-ê thèng-hāu lí-ê miā-ūn lâi tam-sim,
也無為著你出世m̄-tio̍h 所在來怨嘆,
Iā-bô ūi-tio̍h lí chhut-sì m̄-tio̍h só͘-chai lâi oàn-thàn；
因為知影生命不在乎tī長短，乃在乎tī內容.
In-ūi chai-iáⁿ sèⁿ-miā put chāi-tī tn̂g-té, nái chāi-tī lōe-iông.
人雖然棄sak你, 總是你卻相信在造物主的心中,
lâng sui-jiân khì-sak lí,chóng-sī lí siong-sìn tī chō-bu̍t-chú
ê sim-tiong,
你猶久佔一位所在.
Lí iáu-kú chiàm chi̍t-ūi só͘-chai.
Nā-bô祂就Bōe滿山遍地,充滿你的族類。
Nā-bô i chiū bōe móa-soaⁿphiàn-tōe, chhiong-boán lí-ê cho̍k-kûn.
人不管時會通（ōe-thang）kā你除去,
lâng put-koán-sî ōe-thang kā lí tû-khì,
總是你卻知影,
chóng-sī lí chai-iáⁿ,
你猶有濟濟（chōe-chōe）的兄弟姊妹ā-sī子孫,
Lí iáu-ū chōe-chōe-ê hiaⁿ-tī chí-mōe,
可以（ōe-thang）繼續傳承生命的火把.
Ōe-thang kè-siok thoân-sêng sè-miā-ê hóe-pé.
你bô無親像溫室的花,毋m̄驚風雨,
Lí bô chhing-chhiuⁿ un-sek-ê hoe, m̄-kiaⁿ hong-hō͘.
也不需要人特別的保護照顧；
iâ bô su-iàu lâng tiat-pia̍t-ê pó-hō͘ chiàu-kò͘,
造物主給你堅強的生命,
Chō-bu̍t-chú hō͘ lí kian-kiông-ê sè-miā,
可以ōe-thang突破歹pháiⁿ的環境,
ōe-thang tu̍t-phòa pháiⁿ-ê hoân-kéng.
使hō͘ 你堅強在風颱中站khiā在。
hō͘ lí kian-kiông tī hong-thai-tiong khiā-chāi.
蒲公英啊，我歌頌 o-ló你。
Phu-kong-eng ah, góa o-ló lí！
因為由你身上,造物主讓hō͘我看見,
In-ūi tùi-lí-ê sin-chiūⁿ, chō-bu̍t-chú hō͘ góa khòaⁿ-kìⁿ,
無論咱的皮膚色, 紅,白,黃,黑,
bô-lūn lán-ê phôe-hu sek, âng, pe̍h,n̂g, o͘,
無論在別人ê 眼中,咱是lōa-ní-á卑微, 無值半îⁿ圓,
bô-lūn tī bat-lâng-ê gán-tiong, lán sī lōa-ní-á pi-bî, bô-ta̍t pòaⁿ-îⁿ,
造物主卻無惜伊的獨生聖子,
Chō-bu̍t-chú khiok bô-siò i-ê to̍k-siⁿ sèng-kiáⁿ ,
為咱犧牲死在十字架頂
ūi-lán hi-seng, sí-tī si̍p-jī-kè téng
這款的愛,叫咱能夠ōe-tàng肯定咱存在的價值,
Chit-khoán-ê thiàⁿ, kiò lán ōe-tàng khéng-tēng lán chûn-chāi ê kè-ta̍t,
不在乎tī別人的毀譽o-ló ā-sī húi-pòng。
put-chāi-tī pa̍t-lâng-ê o-ló ā-sī húi-pòng.
主啊！阮算什麼？祢竟然顧念阮
Chú-á, goán sǹg sim-mih？Lí kèng-jiân kò͘-liām goán。
但願阮攏ōe-thang珍惜祢所賜的每一分鐘
Ǹg-bāng goán lóng ōe-thang tin-siò Lí só͘ sù-ê móe chi̍t-hun-cheng
紮紮實實為祢來活，
Cha̍t-cha̍t si̍t-si̍t ūi Lí lâi oa̍h,
因為知影田野的花，祢也看顧,
in-ūi chai-iáⁿ chhân-iá-ê hoe, Lí iā kkhòaⁿ-kò͘,
小花小草，也ōe-thang獻上in的香味。
sió hoe, sió-chháu iā ōe-thang hiàn-chiūⁿ in-ê phang-bī.
求祢叫阮bô無閣再浪費chōe-chōe濟濟時間，
Kiû Lí kiò goán,bô-koh-chái lōng-hùi chōe-chōe sî-kan
掙扎及埋怨阮存在的價值，
chêng-chat ka̍p bâi-oàn goán chûn-chāi-ê kè-ta̍t,
Ōe-thang將自己獻作活祭,
為著榮耀袮來活。
Ōe-thang chiong ka-kī hiàn-chòe oa̍h-chè,
為著榮耀袮來活。
ūi-tio̍h êng-iāu Lí lâi oa̍h！
（註 原載台灣公論報 3/10/1986 由 謝必行眼科醫師邀稿, 催稿。 2008 posted on https://heartstring2.blogspot.com 5/15/08)
（註：太 6：25-30)
"想 想 野 地 裡 的 百 合 花 ！"
25 所 以 我 告 訴 你 們 ， 不 要 為 生 命 憂 慮 吃 甚 麼 ， 喝 甚 麼 ； 為 身 體 憂 慮 穿 甚 麼 。 生 命 不 勝 於 飲 食 麼 ？ 身 體 不 勝 於 衣 裳 麼 ？ 26 你 們 看 那 天 上 的 飛 鳥 ， 也 不 種 ， 也 不 收 ， 也 不 積 蓄 在 倉 裡 ， 你 們 的 天 父 尚 且 養 活 他 。 你 們 不 比 飛 鳥 貴 重 得 多 麼 ？ 27 你 們 那 一 個 能 用 思 慮 使 壽 數 多 加 一 刻 呢 （ 或 作 ： 使 身 量 多 加 一 肘 呢 ） ？ 28 何 必 為 衣 裳 憂 慮 呢 ？ 你 想 野 地 裡 的 百 合 花 怎 麼 長 起 來 ； 他 也 不 勞 苦 ， 也 不 紡 線 。 29 然 而 我 告 訴 你 們 ， 就 是 所 羅 門 極 榮 華 的 時 候 ， 他 所 穿 戴 的 ， 還 不 如 這 花 一 朵 呢 ！ 30 你 們 這 小 信 的 人 哪 ！ 野 地 裡 的 草 今 天 還 在 ， 明 天 就 丟 在 爐 裡 ， 神 還 給 他 這 樣 的 妝 飾 ， 何 況 你 們 呢 ！
No comments:
Post a Comment