BH 編劇
劇中人:
崔大獅:催眠表演大師
大學生數名
憨校長:多事大學的校長
蕭醫師:精神科醫師
何堅心牧師:一位愛主的牧師
何清心牧師娘:何牧師的妤內助
何大器:大學生,何牧師晚年生之獨子
鬼四名以上
(* 報幕者:本劇是根據一個發生在(Maine)緬因州, 浸信會牧師的兒子身上的真實故事改編的, 希望咱會嗵oē-thāng因此受鑑戒,常常警醒祈禱,免得受迷惑.*)
第一幕 多事大學
崔大獅:今仔日我真榮幸,會嗵受邀請來貴高等學府表演催眠術.慶祝貴校的校慶,旦.我需要几名學生上台予我示範催眠.保證真心適,真趣味,絕對無百害.
(*一大堆學生就踴躍上台,台上放兩張行軍床,如果台子較大可多放一張*)(* 崔大獅開始一個一個給個催眠.然後因就攏照伊的指示去做*)
崔大獅:(* 伊的手在學生的面上轉來轉去,口中念念有詞*)
(* 第一幕催眠的演出, 可比照演員各自的拿手特技來發揮, 各顯神通, 細節省略.催眠表演完,每人皆轉醒, 只有何大器,醒不來*)
.....
(*校長著驚.對台下跳上台上*)
憨校長:是怎樣,伊泰叫bē 醒?
崔大獅:我mā 呣知影, 伊 泰呣醒？ 我mā 無步啦, 咱緊送伊去病院.
( 憨校長叫9ll, 救護車來給伊載去)
第二幕魂遊靈界
(*可以先用camcorder video tape這幕.正式演出的時用大台電視or projector放給觀眾看)
(*也可以放乾冰在舞台上, 讓它出煙, 又用燈光照*)
大器:(*揉了揉惺忪的目睭*) 這是甚麼所在?恁be̍h chhoā 我去叨位?
老大 ：(天使的模樣): 這是靈界, 你家己送上門,蹤(chông)入來.阮無be̍h(不要)放你轉去.看恁 老父敢閣講阮的歹話(Phaí-oē)無?
大器:我的老父是一個真好的牧師,不曾(ba̍t) 講半句您天使的歹話.
老二:你先看清楚阮是甚麼款天使，才閣講.
大器:(* 詳細給因看.面帶疑惑*) 恁兼m̄-sī 隴是天使?
(* 燈光變暗,天使脫去外面彼領白床巾,原形畢露,閣有兩支角*)
鬼三:哈,哈,阮當然攏是天使，只是阮攏是墜落的天使. 阮是無白賊無講. 這擺特別，給你講實話,反正你走bē 轉去啦, 阮攏是魔鬼化妝做天使的. 你閣看卡真咧.(* 忽然,遮ê 天使攏變原形, 是青面貓牙的魔鬼, 乎大器驚甲講bē 出話來*)
鬼四:對聰明的智識分子,阮是 bē 凍乎因看著阮的真面目的.所以阮有時就舉̆ gia̍h 人道主義的旗仔,有時就假做科學的名義來騙因.反正阮是鬼計多端, 因雖然攏是博士博, mā-sī(也是)給伊騙騙來. 特別是自己(lia̍h-choè)掠做bē 受騙, 相信科學萬能的人閣卡好騙.阮做一寡假的統計的數目,就給因騙騙來啦. 哪親像有人做假的實驗論文一樣. 你兼不曾聽說, 有人實驗做不出來就給guinea Pig染色,騙取學位. Phia̍t-Pō (妙方)真多. 當然他們自以為聰明, 聰明反被聰明誤, 以為我們不存在, 將阮所做的壞事通通怪罪給上帝. 他們因此不相信上帝是慈愛的, 也不相信上帝的存在. 真好! 真好!
鬼一: 對,對,猴齋天只是七十二變,阮鬼頭鬼腦才是gaû 變.有時m̄a 給人醫病, ko̍h醫好之後(liaú-aū),彼ê 病人的靈魂就賣hō 阮啦.完全受阮控制. 畢竟, 阮從來無做虧本 (sī-pún)的生理的.
鬼二: 過去, 有一時陣, 人人時行(sî-kîa)去hō 精神科醫師催眠及心理分析. 阮mā 揀選一個有名大學' ( Yale) 畢業的精神科醫師做阮的器具.阮派一些女患者去chhoē 伊, hō伊催眠, 伊就中阮的計.替阮宣傳, 靈界大師確實存在. 阮就hō͘ 伊的冊”前世今生" 特別暢銷. 台灣 bat 流行咖真久, 因為這個西方版的輪徊說,比佛教的六道輪迥卡好，m̄-bián 變做畜生.幾十年後, 又是一條好漢, 真受歡迎. 阮用安尼欺騙人類, hō 因相信後出世iaú-ū 真濟機會,失去今生得救的機會, 阮就大大成功了
大器:m̄-bían 閣講啦.我完全相信恁的厲害. m̄-kū 聽講, 鬼上驚基督徒, 我自細漢就是基督徒,恁掠(lia̍h) 我, m̄-kiaⁿ驚上帝生氣?
鬼二: 誰講你是基督徒?
大器: 對我的阿公起,阮世世代代隴是基督徒,我閣是牧師子,安呢,我兼m̄-sī出世就是基督徒?
鬼三:講鬼話,你騙人可能騙ē 過,你想be̍h騙鬼?? 信仰是bē-thang 遺傅的,不信你去看聖經,看有安呢講無? 恁的俗語兼m̄-sī 安呢講 "道高一尺.魔高一丈”嗎? 聖經我比你卡熟咧. 我e-tàng倒頭̆ tó-taû )背，你兼會?
鬼四: 你不過是掛名的基督徒而己,你在學校, 別人考試喲偷看,你也是喲偷看,別人喲做的歹代誌,你攏有份.除了你彼塊舌以外, 看bē 出你是基督徒. 阮卡驚的是你的老父彼款基督徒, 真正有照上帝的命令去行的.
大器: 若是安呢,請你看著我老父的面子, 放我轉去.
鬼一: 你真歹記持(kì-tî),我自頭就給你講,你的老父常常在講台頂,講阮的歹話, 叫信徒著(tio̍h)提防魔鬼的詭計,你閣不肖,所以阮掠你抵數.
鬼二: (*翻看著一本名冊*)大哥,果然無錯, 我查著何大器有在咱的黑名單內, 安心給伊掠起來.
大器: 那是甚麼冊?
鬼二: 凡若自稱基督徒, 總是名無在上帝的生命冊的,阮攏給抄來阮的黑名單.
大器: 拜托,拜托,我是阮父母年老時生的獨生子，給我號名, 號做 '大器晚成’的大器.你若無放我回去,因會急死去, 好心, 好心咧, 好無?
鬼三: 若好心就bē 變做鬼了. 正因為你是您老父的孤子, 你去台頂接受催眠時, 阮就歡喜甲欲死去. M̄ hō你回去啦. 看恁老父iáu oē 通傳道無?你也是阮揀選的大器具.
鬼四:(*愈講愈得意*)其實阮最近的最高招是”恢復過來的記憶”. e-táng 給人害甲雞飛狗跳,妻離子散, 家破人亡, 天昏地暗, 黑白不分.
大器:泰即厲害咧?
鬼二: 講破無值五尖錢, 真簡單, 通常, 一個查某囡仔,若接受催眠治療, 阮的好機會就來了, 等伊進入催眠狀態的時陣,阮就將一寡無影亂倫的代誌, 親像影片安呢, 灌入伊的腦海中,然後, 她醒起來的時, 就掠做是真, 就控告伊的老父亂倫. 伊的老母就真生氣,與因老父 鬧離婚, 伊也oē 深信是teh 回憶前世人的代誌. 阮閣精通各國語言,所以也幫助伊催眠時 ē- tàng講別國的語言. 無人知是阮teh變鬼(pìⁿ-kuì ). 阮看因一家伙仔ah, oān ka (吵得)chhiâng-chhiâng滾, 真正趣味. 這就是” 騎高樓看馬相觸” .
大器: 恁實在刨人無用刀, 唯恐天下不亂, 真正是魔鬼.
鬼三:你兼iáu不知影撒旦是白賊七仔的老父, 凡若白賊的攏是它的徒弟,徒孫. 去牽亡問通靈的人, 攏是hō 阮騙去,阮是假做死去的人的聲, teh run answering service. 其實, 已經死去的人bē-tàng 閣轉來活人的境界啦. 世間人攏愛福氣, 所以去寺廟求神問 佛pu̍t,燒香拜拜,卻不知影,阮躲在彼gó̍ⁿ像的背後,偷偷享受因敬拜. 因若有得著甚麼好處, to-aì 付相當的代價, 成做阮的囚犯而不知. 騙人的滋味實在真好.
鬼四: 最近這鬼冬，復活節若到, 阮就會出來攻擊耶穌，扭曲抹黑耶穌，極盡所能。比方講, 幫助Da Vinci Code（達文西密碼）變成暢銷小說，雖然是小說卻講內容全然根據歷史，所以許多人受迷惑，相信它的黑白講。接落去, Discover Channel 閣匆匆爆料宣告找到耶穌的『石棺材』，講咖天花亂墜，嘎若有影嘞，閣是考古，閣是DNA，統計，或然率，十分合科學的款，卻是事先沒好好的查証，一堆烏龍而已。一時誤導了不少人，因為該電視台還蠻出名的。古早人講:「盡信書不如無書」，什人叫因不好好去思考，去考証，隨便讓hō 傳媒牽著鼻子走啊！
女鬼: 對啦, 還有最最高招, 就是派出查某女鬼仔, 去招搖迷惑;男人無法抗拒, 十個有九個會倒下來,非常有效呢. 你兼要試看邁嘞?
大器: 多謝了, 拜託妳不要來惹我. 我實在真思念我的父母, 好心好幸, 您放我回去, 好無?
鬼一: 旦,阮一寡秘密攏hō͘ 你知影去了. 泰ē-thang放你回去. 來阿, 將大器關hō 卡tiâu咧.
(* 將大器拉下去, 第̍二幕下)
第三冪 大學醫院
(報幕者: 何大器在靈界與眾鬼周旋,不知不覺已經六日,同時在醫院經由五個專科醫師診冶,不見好轉,只好通知校長，通知家長來chhōa回去*)
蕭醫師: 喂, 憨校長嗎?我是蕭醫師, 何大器的主冶醫, 真遺憾,雖然阮用上好的精神科的醫術閣上大的努力,也配合其他的專科給伊治療,總是伊攏不肯醒起來. 咱只好通知他的父 母來給伊帶chhoā 回去厝裡.
憨校長: 兼oē-saì 請 lín閣試別種治療法?
崔大獅: 無法度啦, 伊m 醒，阮實在無法度.會凍試的方法, 阮攏試過啦.真失禮, 幫不上忙!
憨校長 (*掛上電話自言自語) 慘啦, 慘啦,我遮個校長m̄-chai(不知) beh按怎做, beh-chai, 嘛 m̄-thāng 叫彼個大獅來,遮聲何大器是騎馬歹落,我是騎虎難下啦.我的問題或比伊卡大.( *拿起電話*)喂,何牧師嗎? 遮是校長,恁兒子現在tī 多事大學醫院, 昏迷不醒,請你馬上來給伊叫起,醫生已經攏無辦法啦,看恁的上帝有法度無?
何牧師; 到底是發生甚麼代誌? 伊為甚麼昏迷不醒?
憨校長:噯,遮是一件意外,恁囝(kià)自願受催眠續不醒 . 實在一言難盡, 你緊來,我卡閣詳細給你報告.
何牧師: 好, 我馬上去醫院chhoā 伊轉來.
憨校長:(*面朝天*) 老天爺阿,幫個忙吧, hō 何大器醒起來, 否則我這個校長也真歹閣做落去!
第四幕 何牧師家
Narrator: 何牧師趕到醫院才知，一切的經過.也知其餘的學生攏醒起來, 無甚麼代誌.他非常的傷心.因無卡早ka 他通知,伊也真生氣.不過, 伊還是原諒因, 雖然，伊的家庭醫師講設使若是伊的囝 (kià), 伊就欲告蕭校長及崔大獅. 何牧師及牧師娘迫切為大器祈禱, 總是大器有原bē 醒,幾日後的一個早辰…
何牧師: 清心,我忽然想著聖經耶穌趕鬼的情形, 或者大器是魔鬼掠去ma 無一定?
何師母: 我mā 喲想講,有可能, 魔鬼喲作怪咱.咱來禁食祈禱, 因為耶穌bat kā 伊的學生講，有 一種鬼,若無禁食祈禱是趕bē出來的.
何牧師:安呢, 咱早起, 來禁食祈禱.(* 兩人同心迫切祈禱 *)
(*兩人走入大器的房間*)
何牧師;我奉耶穌的名,叫恁遮的黑暗勢力離開阮的囝仔.
( * 何大器忽然醒起來, 三人相抱而哭 *)
大器:爸爸媽媽,我真歡喜oē-tang 閣看見lín.我旦知影信仰bē 遺傳,我決意欲接受耶穌做我的救主. 旦我知魔鬼情像聖經所講, 是若吼獅, 四處遊行欲吞吃咱. 感謝主伊己經有得勝. 感謝主,伊為咱來出世.願咱攏接受上帝咱綴最寶貴的禮物--主耶穌.
(*會眾一起唱舊聖詩464 "福音鐘聲在大嗚”*)
一全劇完一
http://www.answertheskeptic.com/index.php/the-devils-delusion/2008/05/23
No comments:
Post a Comment