本劇純屬虛構，若有雷同之處，請勿對號入座！
劇中人
許育兒:細漢上過主日學,對聖經一知半解,卻自以為是
施素心:許妻,虔誠的基督徒,多年不育,受丈夫及婆婆的逼迫,
許瓜:許母,年輕就守寡,單單育兒一個孤子,抱孫心切,虐待媳婦
莊美女:許妾,官家子女,高頭大馬,脾氣暴躁,兇悍。
高真理:高婦產,全國有名擱是真熱心的基督徒。
包生:中醫,標謗不育症專家，保證生育！
雞 婆:媒婆, 真雞婆,
施 母, 護士, 報幕者 等等
第一幕 許府府上
（*素心跪在床前, 懇切禱告,其夫自外進房來,看見伊在禱告 很生氣上前踢伊一脚！）
育兒:ka你講,m̄-thang 擱祈禱,你無欲聽我的話!恁的上帝有 甚麼路用?你祈禱hiah久, 也是生無蟑螂(ka-chóa)， 祈禱是欲創甚麼?你的祈禱根本無法度通過天花板. 若無你老早就生 子啦,這五年來,你兼無逐日攏te̍h求, 上帝是耳襲(臭耳)是無?
素心:M̄-thang安呢講,上帝的旨意,咱攏 m̄-chai(不知) 你看聖經記載亞伯拉罕一百歲, 撒萊九十歲外的時, 上帝才賞賜𪜶一個兒子....
(* 育兒不耐煩,打斷伊的話*)
育兒:我才是, bē 𣍐等到你九十歲, 你若bē生,我就欲娶細姨! 只有你這款的戇人才會信聖經的神蹟！
素心:育兒, 你無了解聖經是上帝的話, 是真理, 是…
育兒:笑話!聖經我bat(知)甲有剩(chhun). 我細漢的時,阿母 若欲打麻將,就送我去隔壁的主日學, 從小漢, 我就真僥疑(懷疑) 耶穌是在室女馬利亞生的. 大漢以後,擱卡感覺這是hàm-kó͘
素心:絶對m̄-sī hàm-kó͘!
育兒:騙人, 約瑟娶馬利亞過來, 却無與伊同房, 一直等到耶穌生了? 鴨寮裡兼會剩隔冥的肚滾(蚯蚓)?有tòe一隻猫不偷腥(chia̍h-chho)?
素心:哈,美國猫嘛, in攏食罐頭, 無食腥(chho). 你是用小人的心, 度君子啦！ 约瑟是一ê義人, 他也是一ê敬畏上帝的人, 所以他真守規矩, m̄敢亂來嘛！
育兒： 你莢(ka)我tiām去.你m̄-sī查埔人,你m̄-ba̍t-jī.(不識字), 除了太監以外, 天下無柳下惠這款坐懷不亂的人. 擱卡無約瑟這款戇人！
素心:有阿, 義人, 赫人烏利亞就是安呢, 才给大衛王害死的。
育兒:你又擱喲(teh)講聖經啦,我無欲信聖經,m̄-bián(不必)給我講！ 我實在有夠soe(倒霉),娶著你這隻(bē)生卵的老雞母。
(*素心看他那麼生氣, 又不可理喻, 就溜出去客廳*)
許母:素心,你這技掃帚星, 到旦iau bōe 𣍐生.叫你去廟裡拜拜, 打死, 你也m̄去. 旦, 你的上帝tī-ta-loh?(在那裡)你求hiah久. 也無看著甚麼猫毛(mo͘ )？你明仔日, 家己去chhōe 包醫生檢查及買一 帖秘方轉來食, 聽講, 食了, bē生會變ē生。
素心:是, 阿母, 我明仔日就去。
許母:我茭ka你警告, 這是我的大慈悲, 給你最後的機會, 你若這帖秘方食 無效, 我就茭育兒擱娶一個細姨。
素心:阿母, 真多謝你的慈悲, 我的確會照你的意思, 明仔日就去看包醫生.
(*幕下*)
（*報幕者:隔日,素心就去看包醫生, 幾日後, 素心破病, 育兒不得已替伊去拿檢驗報告*）
第二幕 包生診所
(*包生診所的外面, 掛一對聯, 祖傳秘方, 專醫不育:華佗再世, 包君滿意!
(*許育兒入, kò門小姐遞給他一張表格, 他就寫寫咧交出去, 後來護士出來*)
護士:許育兒!
育兒:有! (*用北京語,足大聲應,護士及候診室的人攏金金看伊*)
護士:你..你..欲看醫生?! 阮包醫生雖然是中醫, m̄-ku他是婦科專家, 無看查埔,
育兒:奥,不是啦,我,我..是欲來看阮某檢驗的結果, 阮某破病, 家己be-tang來,
護士:原來是安呢,(*開懷大笑:)恁某叫做sím-mi̍h甚麼名?
育兒： 施素心,
護士:請你等一會兒, 我去拿報告.
護士:許先生, 請你入來, 包醫生欲與你講話,
育兒:是, (*走入*)
包生:(*用方言講北京話*)根據檢驗的結果, 你的太太發炎啦。(*hoai-ian*)
育兒: (驚喜萬狀*)甚麼, 我的太太懷孕啦! 阮老母一定歡喜死
包生:你高興的太早啦, 我是說你太太發炎啦
育兒:阮太太攏𣍐(be)生, 現在懷孕,豈不是謝天謝地的大喜事!!
(*看他還是聽不懂,包醫生改用台灣話給他講。)
包生:噯,你聽到那裡去啦?我是說你太太的輸卵管有巖重的發炎, 恐驚 一世人都無法度生育啦.
育兒:(*真失望*)原來是發炎, 你奈m̄ 講卡清楚咧, 害我聽bô. 空歡喜一場! 你前次兼不是對阮某講, 包生診所是包你會生, 你彼帖祖傳秘 方hiah 呢貴,食了也無效, 到底你的診断有可靠無?
包生:甚麼?你竟然懷疑我的診斷? 我的方法是華佗傳下來的, 我干單摸一個脈, 就知,有身(孕)無身, 會生, 𣍐(be)生, 不過, 最近為了增加患者的信心起 見, 我若感覺症頭奇怪的, 我就將患者的尿, 送去國立胡白實驗室檢驗, 你看這份報告, 明明與我的初診相款. 食秘方, 萬無一失, 我實在ka你講, 你的太太患的是sèng-pēⁿ 性病 “ STD” 一帖是無夠額的。
育兒:甚麼國立胡白實驗室? 我泰攏m̄-bat 聽見?𪜶兼有黑白講?
包生:我bē ka你騙啦.恁某(bó͘)秘方擱ke食寡, to會好.
育兒:我對你的秘方無信心啦, 若真正是STD, 我看著找西醫才對,
包生:你當然會駛(e-sái)去找西醫,不過這個帳單你都tō愛付清阿. (*拿帳單給他*)
育兒:天阿, 即貴啦, 你是有良心無? 講無五分鐘就收一萬塊!
包生:無法度啦, 患者愈來愈少, 收費當然愛增加. 我包醫生就是包趁(賺)的。
育兒:最近股市大落價, 我錢真緊ân, 先交五千, 好無?
包生:(*抓抓頭, 想一會兒* )好啦, 比無卡好！(*育兒付一張支票後,走出幕外*)
育兒:(*喃喃自語:)包醫生, 我包你趁(賺)bē著, 我無hia̍h戇, hi̍t張是空殼支票! 我戇一拜是無be̍h 擱戇第二拜, 你若來追錢, 你tō包死, 我去法庭告你詐欺, 旦 院某有STD, m̄-chai真假,m̄-ku趁機會ko̍h娶一個細姨, mā無bái, 我著來講hō͘ 阮 母仔信信信, 伊都會緊ka我娶一個細姨, 無bái、塞翁失馬, 焉知非福！嘿嘿!*)
第三幕 許 府 府上
(*装著垂頭喪氣進来*)
育兒:阿母,bái 壞啦,素心有STD, 一世人bē生啦。
許瓜:戇囝仔, 你真是大驚小怪, 擱娶一個就好, 我老早就想欲加你擱娶,伊𣍐生, 順風sak 倒牆, 厝邊頭尾就𣍐講我歹款待伊！
育兒:好啦, 阿母若歡喜就好, 我隴無意見,不過愛娶一個卡súi擱卡少年的！
許瓜:戇囝仔,súi是有甚麼路用? 一枝仔痩疤疤, 風吹就倒. 我替你kéng一ê福相的, 媽祖婆型的, kha-chhng大大, 生產才無問題,
(*素心走入, 許母審犯人一樣*)
許瓜:素心, 你真𣍐(be)見笑, 你是去與甚麽野查埔人tàu空, 竟然有sèng-pēⁿ, 旦,一張檢驗報告tī遮, 你老實招來!! 無, 阮是不beh放你煞(soah),
素心:阿母, 請m̄-thang冤枉我, 我是清白的, 我嫁入貴府的時, 我還是一個在室女, 除了你囝kiáⁿ以外,我不曾與任何的查埔人有過関係, 事實上, 我連男朋友也m̄-bat 交半個, 何况我是一個基督徒, 我絕對不敢做這款得罪上帝的代誌。
許瓜:哼, 基督徒也無一定卡好, 掛羊頭賣狗肉, lâu-á漏仔假聖人的也是不少, 叫你去 廟裡燒香, 拜佛看會生𣍐, 你就推講, 恁基督徒𣍐使拜偶像, 騙人咧m̄-bat. 即滿,你著sèng-pēⁿ, 𣍐生, 你還死鴨硬嘴巴(pe), 一聲, 你跳入黃河也洗𣍐清啦。
素心:m̄-ku,阿母,我真正是無辜,請你相信我。
許瓜:m̄-bián擱講啦, 你包袱仔款款咧, 轉去恁兜, 食家己。
素心:(* 轉向育兒*) 育兒,你兼𣍐bē-thang相信我是無辜的, 是清白的.
育兒:笑話, 你無辜！證据充分, 而且阿母的判断𣍐 m̄ -tioh. 你還有面留tòa-chia.
(*素心淚下如珠, 回房去整理伊的行装*)
(*在極痛苦的中間,素心跪下祈禱*)
”主阿, 是誰會相信我無辜? 你知我無做甚麼見笑的事, 我嘛不知泰會著 這款病(*忽然*)chóng總無是给育兒傅染著的? 除了伊以外, 還有甚麼人呢? 不過, 我卻不希望伊有這款病, 若有甚麼災難, 我一人擔就好, 主阿, 感謝lí, 因為你 一定知影我的疼痛, 你是無辜的, 卻hō͘人釘死tī十字架頂, 我這時也深深体會 馬利亞的勇氣, 伊歡喜順趁上帝, 雖然歷代歷世多少人誤會伊, 因為世間人無法 度相信在室女懷孕生子是聖神奇妙的作為！”
(*素心拭乾眼淚, 提著行李出來與𪜶相辭*。)
素心:阿母, 育兒請恁保重, 我旦欲離開恁啦。
許瓜:緊轉去, 阮無欠用你, 我已經給阮kiáⁿ囝物色一個新的媳婦, 叫做美女,
育兒:見笑查某緊轉去, 免得拖累阮許家, 你緊轉轉去, 卡𣍐òe穢,
素心:請恁相信我, 我是無辜的。
(*素心含淚離去)
許瓜:(:打電話*)喂,雞婆嬸仔,明仔日 chhōa 彼個美女來, 阮媳婦著sèng-pēⁿ, 阮ka 趕轉去啦。
(*隔日早上*)
雞婆:許瓜嬸仔, 𠢕gâu早, 我chhōa 美女來啦, 美女的爸仔是大官, 恁kiáⁿ免驚無官通做,
許瓜:多謝, 多謝, 一包紅包給你, 若生查埔孫, 才擱包一包卡大包的給你.
雞婆:黏鞭, 黏鞭, 我te等彼包擱卡大包的, 不過, 媒人是報你入房, 無保你一世人, 美女交你啦！祝伊khā-kín sēⁿ cha-pō͘ 查埔子！祝你早抱孫！我愛閣緊來ka別人做媒人！
許瓜:心肝子, 阿母給你揀這個美女, 你看伊兼無真有福氣生, 嫁粧一大車, 明日會 送來, 伊爸仔是有頭有面的人, 你千萬m̄通得罪伊！
(*母子兩人出來見美女*)
育兒:(*真细聲*)天阿, 這位是美女? 阿母仔, 你是有眼睛無? 美...美女, 你好!
許瓜:老身旦退場, 于恁两人去相好！(*退出*)
美女: 育兒,你目愀毛sa卡起咧。M̄-thang liah我金金看, 我這粒美人痣, 人人攏o-loh. 我爸仔無後生, 細漢就送我去學武功, 你實在真正有福氣, 我看你有kà意。 我還是在室女, 嫁你做細姨, 實在給你真便宜(pan-gi). 阮爸是無phàiⁿ 歹， M̄-ku你若對我歹,阮𣍐放你煞(soah)！m̄-sìn 試看邁?咱兩人若 sio-ián我嘛𣍐sū 你!
育兒:(*看伊來勢兇兇,自言自語 *) 慘啦！娶著拳tâu師傅, 想欲退回都退𣍐去,
(* 美女, 裝笑面*) 我投降, 我投降, 我會好好款待你。
(*伸手欲僂抱伊, 卻被擋了回來*)
美女:你真好膽,我iau未准你, 本姑娘iau是處女, 若無正式請人客, 免想欲kang我。
育兒:是, 是, 咱來選一日好日！
(*兩人翻日暦找好日 *)(*幕下*)
第四幕 頃家蕩産,浪子回頭
（*報幕者:過了一年,美女猶原無生,去給西醫,高婦産檢查,發見美女也有 Sèng-pēⁿ STD, 美女的老爸一聽, 氣吹了嘴鬚, 馬上掠育兒去檢查, 結果發見他本人 有STD, 氣氣死, 要求賠償, 許家賠了夫人又折兵, 許母相當懊惱*）
育兒:請阿母m̄-thang生氣, 都怪我不肖, 少年的時風騒(so), jiah來這身病, 害阿母無孫thang抱, 真對不住, 不過美女嚇死, 跑回娘家也好, 若無我也 够額受伊的氣, 伊入門彼日就展一身的功夫嚇驚我, 咱錯怪素心啦, 伊是無辜的,我家己攏無自己反省,真不對(m̄-tioh)
許母:我實在有夠歹命, 生你這個不中用子, 也無看恁老母, 守寡一世人 為著你, 你竟然偷偷去做放蕩子, 旦, 一寡恁老父留落來的家伙, 也 給美女𪜶爸 ka lán拿去做賠償, 旦,你一身軀病, 兼iau有人欲嫁你?
育兒:我想素心有可能iau會愛我, 伊的人真有疼心, 我來求伊轉來, 好無?
許母:即滿, 想起來, 與美女相比, 素心敢若ká-ná是天使咧, 除了不 肯拜拜及(be)𣍐生以外, 伊實在也無甚麼給人嫌的, 何况是你害伊 (be)𣍐生的, 伊是無辜的, 到遮來, 你若有法度, 糊成(ko'-chiâⁿ)伊轉來, 也是真好.
育兒:阿母既然贊成,旦,我來去找(chhōe)素心, (*育兒去施府找素心*)
第五幕施 府 府 上
(*育兒敲門,施母出來開門*)
育兒:媽媽,素心有tī咧無?
施母:有, m̄-ku(不過),你chhōe伊欲創甚么?
育兒:我..我..是欲给伊hōe失禮, m̄-chai(不知)恁會thang赦免我be?
施母:我茭叫, 恁兩人家已去講, 我bē-thang 替伊主意。
(*施母入去叫素心出來 *)
育兒:素心, 對不起, 我錯怪你啦, 求你赦免我, 是我茭你傳染著ê,你 m̄-chai(不知)會當hō͘ 我擱一擺的機會bē ? 我欲悔改, 重新做人。 我欲好好疼你, 補過去的不著(tioh).
素心:你兼m̄-si有美女,無欠用我?
育兒:美女也hō͘ 我koe-tio̍h STD,𪜶爸不pàng-góa煞(soah), 掠(lia̍h)我去檢驗, 告我愛賠償, 即滿, 一寡財産攏hō͘ 𪜶没收, 真凄慘, 我這款人, 你兼欲 閣收留? 求你看上帝的面, 赦免我, 好無?
素心:(*想了好一會兒*) 好, 因為上帝的愛, 我願意原諒你, hō͘ 你重新做人！
育兒:真多謝,！感謝上帝! 我有救啦, 咱兩人攏來看醫生, that-teh治療hō͘ 好.
素心:我已經根治啦, 高婦產是一個醫術高明擱熱心的基督徒, 伊有重新給我檢查,證實是STD, 然后伊ka我醫好啦, 伊無親像包醫生,干單驗尿, chheⁿ-瞑雞啄著死老鼠, 湊崁(巧)猜對, 咱來拜託高醫生ka你介紹一個泌尿科的醫生, 好無?
育兒:好,好,我舉雙手贊成, 旦, 咱來轉, 好無?
素心:慢即, 等你醫好咧, 我才轉去, 若無, 擱hō͘你òe-tioh我都(tō)惨阿。
育兒:你tòe我轉去, 我保證bē ka你害著。
素心:你保證? 你不是講鴨寮來𣍐(bē)剩過冥的肚袞,擱那(tòe)一隻猫, 無食腥？
育兒:我即滿是美國猫, 無食腥(chho), 哈哈, m̄-ku, 你安心, 我了解, 等我醫 好才來娶你轉去, 旦, 我著緊來醫hō͘ 好, thang 娶某, 我欲轉去啦。
(*大聲:)媽媽, 我欲轉去啦, 素心, 你好好保重, ka爸爸請安！
第六幕 高醫生府上
報幕者:高醫生介紹許育兒一位泌尿科的醫師,bô-kú他的病就根治,總是素心 雖然已經好,但是STD的後遣症hō͘ 伊的輸卵管猶原bē通, iau-si 𣍐生, 醫生建議伊做彼時最新手術的自願者.安呢就攏不免(m-bian)費用. 高醫生給伊做彼時最新的手術,開刀取出卵子，在體外培養了有形，再放回去素心的子宫, 安呢九個月後, 素心果然生了一個白白胖胖的查埔嬰, 擱真親像育兒, 號名主恩, 許家一家歡歡喜喜抱著主恩及禮物來ka高醫生謝多謝。×××××××××××××× to be continued
（* Click the link for ACT 6*)
完結篇 第六幕 欲知後事如何，請按下鏈 https://heartstring2.blogspot.com/2025/01/blog-post.html
