心絃交響 Heartstring Echoes: 追思二舅蔡愛義醫師( 附羅馬白話字)

Saturday, June 13, 2009

主賜福氣歲壽長

chú-sù ho̍k-khí hoè-siū tn̂g

無限懷念繞心腸

Bû-hān hoâi-liām jiaū sim-tn̂g

追思二舅蔡愛義長老

Tui-su jī-kū Chhoà aì-gī tiuⁿ-ló

人生七十古來稀 Jîn-seng chhi̍t-cha̍p kó-lâi hī

九八高齡主賜伊 Kíu-pa̍t ko-lîng chú sù ī

鴛鴦相隨七四冬 Oan-iuⁿ sîong-suî chhi̍t-sù tang

人人欣羨好老翁 Lâng lâng him-sīan hó lāu-ang.

疼某買菜無嫌苦 Thìaⁿ -bó· bé-chhaì bô hiâm khó·

山珍海味奉待某 San-ting haí-bī hōng-thāi bó·

聰明過人博士博 Chhang-mîa kòe-jîn po̍k-su-po̍k

兒孫圍壘真有褔 Jî-sun uî-lûi chin ū-ho̍k

為主編劇做導演 Ui-chú pian-ke̍k chóe tō-ián

年年演出祝盛典 Nî-nî ián-chhu̍t chio̍k sēng-tián

喇叭響起免樂器 Lap-pah hiáng-khí bián ga̍k-khì

德國民謠上呷意 Te̍k-ko̍k bîng-iâu siōng kà-ì

名歌聖城響閣圓 Mîa-koa Sèng-siâⁿ hiáng koh îⁿ

歌聲繞樑滿殿院 Koa-siaⁿ jiāu-niû moá tiān-īⁿ

文武雙全好歌喉 Bûn-bú siang-choân hó koa-aû

行醫救人名聲留 Hêng-i kìu-lâng miâ-siaⁿ lâu

今願遺族受安慰 Taⁿ goān uī-cho̍k sīu an-uì

對伊腳步摮敬畏 Toè -i kha-pō· gâu kèng-ùi

榮神益人好模樣 Êng-sîn e̍k-jîn hó mô·-iūⁿ

咱著學習常常想 Lán tio̍h ha̍k-si̍p sîong-sîong siūⁿ

緊行天路不通閒 Kín kîaⁿ thīⁿ-lō· m̄-thang êng

後日相見在天庭 Aū-ji̍t sāⁿ-kì tī tian-têng

Saturday, June 13, 2009